الطاقة الداخلية

الطاقة الداخلية
الطاقة الداخلية 14356159409c3658b661rj0

طبعا في مواضيع كثير اتكلمت عن الطاقة الداخلية و عن انها بتساعد الانسان انو يكتسب قدرات خارقة و انها من اسرار القدماء اللي اخترعو الالعاب القتالية و ان الواحد ممكن يقعد طول عمره عشان يكتسبها

و احتار الناس في تعريف الطاقة الداخلية و سألوا

يعني ايه طاقة اصلا؟

شكلها عامل ازاي ؟

بتيجي منين؟

و جت الاجابة من صانعي الافلام و الانيمي على ان الطاقة الداخلية دي عبار عن اشعة "عشان الناس يقدروا يتخيلوها" و ان المقاتلين دايما في الافلام لما يغلبو خالص مع اعدائهم يروحو مجمعين الطاقة دي في كورة و هوب يحدفو بيها الراجل ال****** يروح منور و بالسلامة:45:

و في رياضات قتالية كتير اهتمت بموضوع الطاقة الداخلية و التأمل

لكن يا جماعة الموضوع ابسط من كدة بكتير

نشوف بقى

سعات تقرا مثلا ان واحدة رفعت جذع شجرة كبير وقع على ابنها او واحد حرك صخرة كبيرة كانت سدة طريق الاسعاف االلي واخد مراته للمستشفي

و بنسأل ازاي

نلاقى الاجابة برضه هي الطاقة الداخلية اللي بتخرج تنقذ البني ادم في الاوقات الصعبة

لكن يعني ايه ؟

بص يا سيدي

الانسان مش بيستخدم قدرات جسمه كلها يعني مثلا قول 40 في المية من قدرة جسمه و عضلاته

امال الباقي بيعمل ايه

شايله لوقت عوزه

تاني حاجة ان جسم الانسان بيصنع حاجة اسمها ATP او "adenosine tri phosphate" و ده عملة الطاقة في الجسم و معظم غذاءك من كربوهيدرات و بروتين و دهون بيروح للعملية دي

لكن برضه انت مش بتستخدمه كله

بتستخدم جزء منه و الباقي شايله

هتقولي ليه

هقولك لوقت عوزه

ييجي بقى وقت العوزه

سيادتك ماشي في امان الله بالليل في الشارع و طلع عليك كلب سعران حالف ما يسيبك

هتعمل ايه, اكيد هتجري.........

بس مش اي جري

هتلاقي نفسك جريت و سبقت الكلب و لو في عربية ماشي جنبك ساعتها هتسبقها برضه

طيب ايه اللي حصل

جسمك حس ان فيه خطر بيهدد حياتك

راح مطلع هرمون الادرينالين و ده مهم جدا طيب عمل ايه الهرمون ده

يوووووووووووه حاجات كتير اوي

اول حاجة هينشط الكبد عشان يحول الجليكوجين لسكر عشان نصنع ATP

تاني حاجة هيزود ضربات القلب و الضغط عشان السكر ده يروح لكل الخلايا بسرعة
و هيخلي العضلات تنقبض و يوسع حدقة العين و.....المهم

الجسم هتلاقيه طلع ال ATP المتخزن عنده و غير كده هيبدأ يستخدم قدرة العضلات بنسبة 100 في المية يعني الاليف العضلية اللي كانت مش بتشتغل في العادي كلها هتشتغل فتلاقي نفسك سوبر مان و بتعمل حاجات مستحيل انك تعملها في حالتك العادية

و حتي في حالتك العادية و جيت بتلعب مع الكلب بتاعك و بيجري وراك عمرك ما هتعرف تسبقه

طيب دي بعض الحوادث اللي حصلت

1- واحد كان بيتسلق الجبال و هو بيمسك في صخرة وقعت عليه وواخداه و نازله من فوق جرف خلاص الراجل هيموت و الصخرة وزنها 500 كيلو راح الراجل رافعها و راميها

2-كان في حريق في بيت و شرطي بيبعد الناس عن البيت ده و فجأة و هو واقف قدام البيت البيت راح ولع جامد و بينفجر الشرطي را جري مسافة كبيرة جدا في مفيش و بعدها لما سألوه قال انا مش عارف انا جريت كده ازاي او امتي انا قلت خلاص اني هموت و مرة واحدة لقيت نفسي بعيد

طيب ليه احنا مش بنقدر نعمل كده علي طول

ببساطه لان جسمك هينهار

لو لخدت بالك بعد ما خلاص هربت من الكلب هتلاقي عضلات رجلك شدت و جالك هبوط و دخت

العملية دي ربنا خالقها عشان تنقذنا في الطوارئ

نيجي بقي للسؤال المهم جدا

ازاي بقى الناس بتوع الالعاب القتالية بيقدروا يعملوا الكلام ده من غير ما يكونو في خطر ؟

الطاقة الداخلية Powerbreak3usopen05wt0

الاجابه في كلمتين

الممارسة و التمرين

بتلاقي مثلا لاعب الرجبي ممكن كتفه يتخلع اثناء الماتش و برضه تلاقيه بيجري ياخد الكرة و يروح يسجل هدف

او مثلا لاعب الملاكمة ممكن يكون عنده ضلع مكسور و يلعب ماتش كامل

طيب ازاي الناس بتوع الباركور بينطو من ارتفاعات عالية و مفاصلهم مش بيحصلها حاجة

لان الناس دي بتتمرن على طول فبتقدر انها تخلي جسمها يستخدم نسية اكبر من قدرته و كل ما التمرين بيزيد بتقدر تخلي جسمك يستخدم نسبه لكن طبعا مش ممكن هيوصل لل100 في المية بتاعة الخطر

و بكدة نلاقي ان جسمنا ليه طاقة اكبر ما احنا نقدر نتخيل طيب خد دي

حطو عظمة الكتف في جهاز لقياس التحمل لقوها بتتحمل طن و نص قبل ما تنكسر
تعرف ان مفصل الركبة ممكن يتحمل وزن فيل من غير ما يجراله حاجة

في النهاية نقدر نقول ان طاقتك الداخليه هي جسمك و ان جسمك هو طاقتك

و لو قعدت مليون سنة تحاول. عمرك ما هتنور او تتطلع شعاع من عنيك

و انصحكم تتفرجو علي فيلم وثائقي اسمه" pushing the body to the limits" هتلاقوه في قسم الافلام الوثائقية انا جبت منو معلومات كتير من اللي في الموضوع

ياريت تقولولي رأيكم.

» اضرار تجمع الدهون والشحوم في جسم الإنسان !!!! خلل في معدلات الطاقة الداخلية
» اول جوال يعمل على الطاقة الشمسية
» ما هي القطع الداخلية التي يمكنك تغييرها في اللاب توب بعد الشراء
» كاميرا ستخترق جدران بيتك.."وملابسك الداخلية"